عدد الرسائل : 543 العمر : 33 الموقع : www.g31r.mam9.com تاريخ التسجيل : 24/04/2008
موضوع: نمصائح لو اتفكت العقدة واتخطبتى الإثنين 16 يونيو 2008 - 4:51
لو ربنا فكها عليكى واتخطبتى يعنى ربنا يوعدنا كلنا طبعا جربى النصائح دى ربنا معانا وحستنا ردكم ضروووووووورى شويه نصايح كده للبنات على الماشى علشان خطوبتهم تتم على خير ويتجوزوا ويخلصونا
آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد
أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه ....
1- الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا
2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....
3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك.. بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....
7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..
8- البطاطس سواء مسلوقة أو محمرة.. أوعي تهرسيها وتدبيها ع الرز وتدي لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..
9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....
10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة..
أنا أودامي أسبوع.. هابطل أكل فيه..... وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك.. وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا متنسوووووش الرد
مايا**K عازف ماسى
عدد الرسائل : 991 العمر : 33 الموقع : جيتاروو العمل/الترفيه : حــب المزاج : تمامووووو الحاله النفسيه : تاريخ التسجيل : 11/05/2008
موضوع: رد: نمصائح لو اتفكت العقدة واتخطبتى الإثنين 30 يونيو 2008 - 4:02
شكــــــــرآ يا برنسيس على الموضوع تحياتى ليكى
brinces مشرفة همس المشاعر
عدد الرسائل : 543 العمر : 33 الموقع : www.g31r.mam9.com تاريخ التسجيل : 24/04/2008
موضوع: رد: نمصائح لو اتفكت العقدة واتخطبتى الثلاثاء 22 يوليو 2008 - 19:24
مشكورة حبيبتى على المرور تحياتى brinces
snow white المشرفة العامة
عدد الرسائل : 733 العمر : 34 الموقع : شبابيك العمل/الترفيه : الانترنت المزاج : عادى علم الدوله : الحاله النفسيه : تاريخ التسجيل : 19/04/2008
موضوع: رد: نمصائح لو اتفكت العقدة واتخطبتى الأربعاء 23 يوليو 2008 - 0:53
هههههههههههههههههههههههههههههههههههههه تصدقى انا هافشكل الخطوبة بسبب النصائح دى هههههههههههههههههه تسلم ايدك برنسيس ويارب تدينا نصايح كدا على طول مشكورة ياقمر
brinces مشرفة همس المشاعر
عدد الرسائل : 543 العمر : 33 الموقع : www.g31r.mam9.com تاريخ التسجيل : 24/04/2008
موضوع: رد: نمصائح لو اتفكت العقدة واتخطبتى الثلاثاء 29 يوليو 2008 - 15:17
ههههههههههههههههه مشكورة يا عثل على المرور الجميل لا تحرمينا منه تحياتى لكى حبيبتى brinces